India aiawh turin Mizo Shuttlers

07^th September, 2017

September 11-17,2017 chhunga Cochin,Kerela-a neih tur Badminton World Federation (BWF) World Senior Badminton Championship ah India aiawh turin Mizo Shuttlers panga, Ralliantawna,F. Zokima, Lalthanzuala, Vanhmingthangi leh Zodinsangi te chuan Cochin an pan ta.

He Championship hi khawvel pum huap inelna tur a ni a, heta khel tur zawnna chu kumin March ni 1-6 chhung kan Cochin ah vek hian Master National Badminton Championship lo neihtawh niin Mizo players te hian India aiawh turin an in vaw tling a ni. Master National Championship ah hian Ralliantawna hian 70+ Mens Singles ah Champion a ni a, F. Zokima hi 65+ Mens Singles ah Runner Up a ni thung a ni. Vanhmingthangi leh Zodinsangi te in partner hian 45+ Womens Doubles ah Runners Up an nih bakah Lalthanzuala hi 50+ Mens Singles ah 3rd Place niin an vai hian BWF World Senior Badminton Championship khel tur hian an in vaw tling a ni.

Khawvel huap inelnaa tel pha players MBA-in a nei hi lawmawm tiin an khelhna turah MBA chuan duhsakna sangber a hlan bawk a ni.